Thursday, September 29, 2011

Surile Aansu

Surile aansu

Surile aansu, palko pe baithe hain..
Surile aansu, gam ko samete hai..

Gar tera gam, mera ho jaye..
Bas yuhi dil tera ho jaye..
Ek sapna bas, yuhi kho jaye.
Dil ki dua, pyar ho jaye...
Hmmmmm..hmmmmm....

Surile aansu, palko pe baithe hain..
Surile aansu gum ko samete hai...

Ye aansu kyu lagte yu apne hain..
In aankho me tere hi sapne hain..
Chandni bhi, laage kyu tapne hain..

Surile aansu palko pe baithe hain...
Surile aansu, gam ko samete hain...

Sooni sooni, aankho ki basti hai...
Bewajah  kyu aankhe barasti hai..
Tere naam se kyu, dhadkan larajti hai..

Surile aansu palko pe baithe hai..
Surile aansu gam ko samete hai...

Tanhayi me, kyu muskuraate hai..
Bheegi agni me jalte jaate hain..
Aansu mere, kyu jhilmilate hai..

Surile aansu, palko pe baithe hain..
Surile aansu gam ko samete hain...
Surile aansu.... Surile aansu.. 

kya tumhe yaad hai.....?

Kya tumhe yaad hai..

Un bheegi palko se ghar ko niharna..
Aadhi raat ko neend me maa ko pukarna..

Chote haatho me maa ko bhinchna..
Bundi k laddu ko dekh aankhe meechna..

Chhoti ki kohni ko bebaat marodna..
Mitti k gharonde bana bana kar todna..

Chuttiyo me mausi ke ghar jaane ko machalna..
Woh patte k done me rasgulle ka ras tapakna..

nanhe nahe pairo se galiyo ko maapna..
Kutto ko pathhar mar k tez bhagna..

Homework k liye madam se roz jhooth bolna..
Naani ki kahani me pariyo sang dolna..

Choti choti baat par muh fula lena..
Choti si chaddi me amrood chupa lena..

Yuhi bewajah hansna
Phir yuhi udaas ho jaana..

Class ki bench par filmo ke naam likna..
Dost k tiffin me sandwich k tukde k liye ladna..

Maa k paas sone k liye bhai se jhagadna..
Nayi t-shirt milne par dosto k saamne akadna..

Woh makki ki roti par ghee ka tir aana..
Kheer-puri kha kha k wahi gir jaana..

Narangi ki goliyo me bachpan ko choosna..
Woh galti karne par mann ka kachotna..

Papa k razor ko gaalo pe ghisna..
Woh inshirt na hone se PT sir se pitna...

Roz doodh pee kar tang aa jaana..
Roz maa se maggi ka promise paana..

Woh exams k naam se hi darr jaana..
Aur result k naam pe jeete jee mar jaana..

Woh papa ki daant khana..
Woh mummy ka laad ladana..

Kya tumhe yaad hai..
Ab toh ye sab yaadien hain.

Unsuni fariyaade hain..
Ab khudse hi jujhta hu..

Haar kar .. Khudse hi puchta hu   ..

Kya tumhe yaad hai..?

Kya tumhe yaad hai....?

kya tumhe yaad hai.....?