Saturday, October 29, 2011

I died Yesterday..

*Conversation with God*


Raaste naapta, bhatakta sa, aaya tere dar par,
Sookhi aankhe, dil me gubaar, saanse bezaar..

Lakho sawaalo ke baadal liye, chaahto ke saanp liye,
Chala aaya hoo.n, chehre pe shikano.n ke Chenaab liye..

Hazaro khwahishie.n, laakho arziyaan, an'ginat shikayate,
Zindagi ki andhi daud me bhool gaya, teri aa'yatei.n..

Tere dar ki garm seedhiyo.n pe mila woh thanda sukoo.n,
Har badhte kadam ke saath, kam hote gaye mere zunoo.n..

Mit gaya ranz-o-gam, mit gayi meri hasti,
Tera noor barasta raha, mera wajood-- bas masti..

Jab teri nazar aaya, kho gaya ehsaas, kho gaya fareb,
Iss kadar beparda hua tere saamne, ki ban gaya naseeb..

Shikayato.n ke karavaa.n liye aaya tha tere darr,
Bas, jhuki si aankhe.n hi kar paya tere nazar..

Ro padi banzar aankhe, gamo ka Sota(geyser)beh gaya,
Dard, dar-b-dar hua, mujhe alvida keh gaya..

Arziyoo.n ke band lifafe, khul na sake tere saamne,
Aaankhe band hui khud-b-khud, mann laga khudko naapne..

Dil-e-veera.n bhar gaya, teri mehr ke noor se,
Manzil ko paa liya, kho gaya raasta, aaya tha door se..

Sunte the teri baadshahat-e-dil ke kisse,
Tere roo-b-roo, bikhar gaye meri MAIN(I) ke hisse

Tere darr ki khushboo me khud ko paaya,
Phir jaha.n nazar gayi, bas TU hi TU nazar aaya..

Jaltarang bajj utthe, saaz-o-saazinde kho gaye,
Mujhe Tu, Tujhme Main, banda-khuda ek ho gaye..

Monday, October 10, 2011

Main roya pardes....



Main roya pardes mein bheega maa ka pyaar, Dukh ne dukh se baat ki bin chitthi bin taar

Chota karke dekhiye jiwan ka vistaar, Aankhon bhar aakash hai baahon bhar sansaar

Leke tan ke naap ko ghoome basti gaanv, Har chaadar ke gher se baahar nikle paanv

Sabki pooja ek si alag alag har reet, masjid jaaye maulvi koyal gaaye geet

Pooja ghar mein moorti mira ke sang shyaam Jiski jitni chaakri utne uske daam

Saaton din bhagawaan ke kya mangal kya pir Jis din soye der tak bhookha rahe fakir

Achhi sangat baitha kar sangi badle roop Jaise milkar aam se meethi ho gai dhoop

Sapna jharna neend ka jaagi aankhein pyaas Pana khona khojna saanson ka itihaas

Chaahe geeta vaachiye ya padhiye quraan Mera tera pyaar hi har pustak ka Gyaan------